عهدي الدافئ

لـك الله يامقفـي اناديـك ولـهـان

من ضيقة+ن+بالصدر حاكت شجوني

كتبت من بعـدك جزيـلات الاوزان

سطرتها من حبـر قلبـي وعيونـي

الدمـع بغيابـك كمـا دمـع هتـان

ينزل رويدن ليـن يحـرق جفونـي

خوفي انوح وحزني لغيـرك يبـان

واسمع حكي منهم يـزود طعونـي

وخوفي يقول الغير ماشفتو فـلان..؟

والنـوح نوحـه والملـى ينقدونـي

لذالك اكتم سـر قلبـي والاحـزان

واضحك ولا ابين جوانـب جنونـي

عز الله اني شفتك بدمـع الأوجـان

وشفتك بحلمي طيف دافـي حنونـي

وعز الله اني اشتقت يارمش الاعيان

وعز الله اني فيك صابـت ضنونـي

لنك اسرة حب من بـوح الأشجـان

معشوقة+ن+تسرح بهاجـس فنونـي

ولن المشاعر هايمـه قلبهـا صـان

غصب+ن+عليها اليوم لازم تصوني

لك الوفى والعشق .. من حب ماخان

وشلـه يخـون القلـب لامايخونـي

غيرك معا قلبي حبل وصلهـم هـان

وانته يـاروح الـروح لاماتهونـي

غيرك لقلبي حكيهـم كـان ماكـان

صآحـي لهـم للمـوت لاياخذونـي

أنت الوحيد اليوم مـن دون برهـان

وانت اللـذي دايـم لقلبـي تمونـي

ببقى معك تكفى على مـر الازمـان

وادري بكلك فوق بعضـك تبونـي

والله قلبي ماعشـق غيـرك انسـان

لصون عهـدك ليـن بـه يدفنونـي